اولا الديك الرمى

ثانيا الحمام المحشى

خامسا صينية البطاطس بشرايح اللحمة بالبشاميل

المقبلات

اولا كفته البطاطس البانيه

نسلق البطاطس ونهرسها ونحط عليها ملح وفلفل اسود وبقدونس مفروم ونشكلها اقراص ونحطها فى الدقيق والبيض والبقسماط تدخل الفريزر شوية وتقلى فى زيت سخن

الشوربة

شوربة الحمام بعد ماحمرنا مكرونة لسان العصفور وحطناها على الشوربة وقدمناها

الحلويات

اولا فاكهة طازجة

ثانيا موس الفراولة وطريقته هنا فى السايت

المكونات حتكون مع الطريقة مع الشرح ان شاء الله

1- لحمة شرايح والمرة دة انا مقطعتش اللحمة سبت كل شريحة كاملة

2- نحط فى الخلاط ملح – فلفل اسود – بهارات شاورما – بصل – خل – طماطم ونخلط كل المكونات ونتبل بيها اللحمة ويفضل قبلها بيوم

3- نطلع اللحمة من التتبيلة ونحطها فى طاسة فيها شوية زيت لحد ماتتحمر وتستوى

4- بعد كده نقطعها شرايح بالطول

5- نكون مجهزين بصل شرايح فلفل اخضر شرايح وطماطم شرايح ثم نضعهم فى نفس الطاسة اللى حمرنا فيها اللحمة ونقلب شوية ثم نضع اللحمة وبكدا تكون الشاورما جهزت

6- انا استخدمت عيش جاهز بس ان شاء الله حنزل طريقة عيش الشاورما ودهنت العيش سلطة طحينة وحطيت الشاورما ونلف العيش رول ويقدم مع

سلطة – بطاطس محمرة

يمكن الاستغناء عن العيش ونقدم الشاورما مع مكرونة – ارز

ملحوظة

نفس الطريقة يمكن عملها بعد تقطيع اللحمة شرايح ونستغنى عن خطوة اللحمة بالشرايح العريضة

ثانيا سلطة الزبادى

زبادى نحط عليه سنة ملح شوية نعناع ونبشر خيارة ونقلب انا بحب احط سنه خل ثم يقدم ونرش على الوجه نعناع

العجينة هى نفس عجينة الحواوشى

اما بقى الحشوة دى طريقتى انا

1- فى طاسة نحط بصلة مفرومة ناعم لما يصفر نحط المشروم ونقلب ثم نضع مكعبات الفراخ ونقلب ثم نضع ملح وفلفل اسود ونحط صوص الباربيكو وهو دة اساس الطعم

2- لما الحشوة تبرد نحشى العجينة ونلفها بالطريقة اللى نحبها

3- ندهن الوش صفار بيضة مع شوية لبن ونسكافيه ودى طريقة حلوووة جداااااااا اخدتها من حورية المطبخ

4- نرش على الوش جبنه مبشورة او سمسم او حبة البركة او اى اختيار لك

وتقدم بالهنا والشفا

اولا طريقة الفراخ

المكونات

فرخة متوسطة الحجم – لبن رايب – ورق لورا – ملح –  فلفل اسود – دقيق – جنزبيل بودر – ثوم بودر – بصل بودر – 1 م ك شوربة طماطم بودر – شطة – نشا – 1 م ص بيكينج بودر – 2 بيض – ليمون

الطريقه

بعد مانغسل الفرخة كويس نقطعها من 10 الى 12 قطعة ونعمل فيها شقوق بالسكينة

ننقعها فى اللبن الرايب لو مفيش نحط لبن عادى ونحط عليه خل علشان يروب او زبادى مخفف بالماء

ونحط ورق اللورا وعصير الليمون

ونخليها فى التلاجة ويفضل قبلها بيوم

نخلط الدقيق والنشا والتوابل مع بعض

ونحط مع البيض شوية لبن وبيكنج بودر

نطلع الفراخ من النقع ثم على البيض ثم فى خلطة الدقيق بالتوابل

ثم تنزل فى زيت سخن غزير ثم نهدى النار علشان تستوى كويس

الافضل انك تغطى الحلة او المقلاية الى فيها الفراخ علشان تستوى افضل

ثانيا المكرونة بالكريمة

فى حلة نحط زبدة او زيت وانا باستخدم زيت زيتون ثم نضع ثوم مفروم وننزل بالكريمة اللبانى ثم بالمكرونة المسلوقة ونتبل ملح – فلفل اسود – زعتر – وحسب الرغبة حطى زيتون شرايح وجبن مبشور وتقدم ساخنة

العجينة نفس طريقة العجينة بتاعة حواوشى اللحمة و بيتزا شكل الحواوشى

او يمكن استخدام طريقة عجينة معتمدة عندك

الحشو

سجق مقطع صغير – طماطم مكعبات – فلفل اخضر بارد – فلفل حار حسب الرغبة – جبنة مبشورة – انا اضفت شوية ملح وزعتر وفلفل اسود

بعد ماتخمر العجينة نقسمها كور ثم نفرد كل واحدة دايرة ونحط الحشو ونقفل وندهن الوجه ثم تدخل فرن حار

المقدار ده بيعمل 4 من الكب كيك

ربع كوب لبن – ربع كوب زيت ذرة او عباد -2 بيضة – 1 م بيكنج بودر – ربع كوب جبن رومى مبشور – 1 ك دقيق

نخلط كل المقادير ونحط معاهم زيتون شرايح ويمكن اضافة مكعبات جبنة مثلثات ومكعبات فلفل اخضر او الوان

توضع فى قوالب الكب كيك ونحط فوق الوجه زيتون شرايح ونرش زعتر ومكعبات فلفل

توضع فى فرن 180 درجة لمده من 15 الى 20 دقيقة لحد مايكون لونها دهبى

المكونات

بصل مفروم – ثوم مفروم – طماطم مكعبات – فلفل اخضر مكعبات – 1م ك صلصة طماطم – سمك فيليه – سبيط او كلمارى مقطع مكعبات او بالطول – ملح – فلفل اسود – هوت صوص – كارى  - كركم – كزبرة ناشفة – ارز بسمتى مسلوق

الطريقة

فى طاسة نحط شوية زيت ثم نضع البصل لحد مايذبل نحط الثوم ونقلب ثم السبيط ثم  مكعبات الطماطم والفلفل الاخضر

ونقلب ونحط التوابل والصلصة نزود شوية ماية لما يبدأ السبيط يدخل فى السوا وتتسبك الصلصة نحط السمك ويكون مقلى بره لوحدهونخليه شوية فى الصوص على النار علشان كله يبقى طعم واحد

نبدا نجهز لأخر خطوة

بعد مانكون سلقنا الارز نجيب صينية او طاجن اللى عندك ونبدا نرص طبقات من الارز وخلطة السى فود اللى عملناها

ويكون الارز سخن والسمك سخن علشان لما ندخل الصينية الفرن حنغطيها بالفويل وماتخدش وقت طويل علشان ماتنشفش

المكونات

جمبرى مقشر – طماطم مقطعة مكعبات – فلفل اخضر مكعبات – بصل مفروم – ثوم مفروم – فلفل اسود – كارى – كزبرة ناشفة – ملح  - كركم – زيت – ارز بسمتى مسلوق او ارز مصرى نسويه بالطريقة العادية بدون مكرونة شعرية

الطريقة

فى طاسة نحط الزيت ثم البصل ثم الثوم ونقلب ثم نضع الجمبرى حتى ينشف  الماية

ثم نضع التوابل ونقلب ثم الطماطم المكعبات والفلفل الاخضر المكعبات وشوية ماية مع الصلصة ونخليه لحد مايتسبك ونطفى النار

فى قالب او اى صينية عندك نحط طبقات من الارز وخليط الجمبرى ونغطى بالفويل وتدخل الفرن او توضع على نار هادية

بس مش كتير علشان ماتنشفش كل حاجة عندك الافضل انها تكون سخنة علشان ماتخدش وقت

سلطة البنجر

نسلق البنجر ونقطعه مكعبات ونحط عليه ملح وفلفل اسود وشطة وعصير ليمون وزيت ونقلب كله مع بعض ونخليه فى التلاجة شوية علشان المكونات كلها تتداخل نحط فلفل مكعبات على الوجه عند التقديم حب الرغبة

1- بديل المايونيز علبة زبادى + مستردة + ملح ونخلط بيدى طعم قريب للمايونيز وده للزنقات

2- طريقة عمل القشدة المنزلية 1ك حليب بودر + 1ك ماء + 1م ك سميد كل ده على النار لحد مايبدأ يغلى ويتقل شوية نرفعه من على النار ونحط له قليل من الزبدة

3- لتقشير الطماطم نضعها فى وعاء به ماء يغى على النار لده من 2 الى 3 دقائق وبعدها انزعى القشرة بكل سهولة.

4- اخلطى بصل الكشرى بشوية دقيق وبعد كده حمريه حتلاقيها مقرمش

5- تقشير البصل تحت الماية اسرع فى التقشير وكمان بدون دموع

6- حفظ البصل فى الفريزر قبل الاستخدام بنص ساعة يمنع الدموع

7- لعدم تكون طبقة من اللبن فى قعر الغلاية اشطفيها بالماء قبل وضع اللبن

8- لازالة شعر ثمرة جوز الهند بسهولة تنقع الثمرة فى الماء لمدة نص ساعة ثم نبدأ بشيله

9- لفحص البكينج بودر حطى عليه شوية خل واذا اخرج غازات بيكون فعال او ممكن تحطى عليه نقطة من عصير الليمون

10- لو نسيت حلة على النار واتحرقت منك حطى فيها ماية + كلور وخليها تغلى على النار وبعدين اغسليها عادى

11- لازالة اى رائحة من الاوانى او الحلل او الطواجن رشى فيها شوية بن واغسليها حتلاقى ريحتها حلوة

ان شاء الله حجمع لكم  اى افكار او معلومات او تجارب تخص المطبخ او المنزل وان شاء الله يكون متجدد دايما

1- لتنظيف المطبخ من الدهون حنجيب النشادر من عند العطار وحنحطه فى زجاجة وعليه نص كوب صابون سائل + 3 م ك نشادر + 3 ك ماء دافىء ونخلطهم وبسفنجة خشنة نغسل السيراميك والبوتجاز .

اما عيون البوتجاز نغليهم مع المكونات السابقة وندعكهم بالسلك

ولازم محدش يحط اى نوع من المنظفات او حتى كلور

2- يمكن استخدام السبرتو لازالة الدهون من على السيراميك

3- نضع 1 م ك ملح ليمون مع مسحوق الغسيل بيخلى الغسيل الابيض وطبعا لما يكون على حرارة عالية الغسيل بيكون ابيض زى الفل

4- لطرد الذباب من مائدة الطعام نجيب ليمونة ونحط فيها حبوب القرنفل ودى ان شاء الله حتكون كافية لطرد الذباب

5- علشان ننظف مراية الحمام نحط عليها رغوة كريم الحلاقة وندهنها كويس ثم نغسلها ونخليها تنشف حتلمع جدااا

6- لتلميع الحنفيات نمسحها بقماشة مبلولة بالخل

7- نضع خل على اى لدغة من اى حشرة حتضيع الالم فورا

8- اضافة 1 م سكر على صوص الطماطم تضفى مذاق رائع للصوص

9- افضل طريقة لتخزين المانجو نقشرها ونطلع اللحم كله ونجمعه فى طبق كبير ثم يقسم فى اكياس وتحفظ فى الفريزر وتستخدم بعد ذلك بكل سهولة

10- ممكن نجمع قشر الجمبرى ونحطه فى صينية فى الفرن ثم نفرمه ناعم فى المطحنة ويضاف عليه بهارات سمك وملح ويستخدم مع حشوات السمك او مع ارز السمك

11- نقدر نجمع قشر البرتقال وحفظه فى الفريزر ونستخدمه فى الكيك

12- لو بنعمل حمام مائى نحط فى الحلة اللى فيها الماية نص ليمونة علشان ماتسودش

13- فبل استخدام البيض ننقعه فى ماء وخل لمدة 3 دقائق ثم ننشفه ونستخدمه ضمانا لنظافته

ودى طريقة اتعلمتها من الاخت ام خالد وبجد طريقة حلوة

حقولكم على المقادير وانا بشرح الطريقة

1- بصلة مفرومة او مقطعة شرايح وده حسب الرغبة نحطها مع شوية زيت فى الحلة ونخليها لحد ما تصفر

2- نكون مقطعين فرخة بعد التنظيف والغسيل الكويس جداا ونحطها على البصل ونحط بهارات فراخ – ملح – فلفل اسود حب – حبهان  - ورق لورا – ليمون اسود – كمون – 2 م ك صلصة

3- بعد ما نقلب كل المقادير السابقة مع بعض نحط ماية سخنة ونخليها تغلى حوالى 30 دقيقة

4- نطلع الفراخ ونحطها فى صينية فى الفرن علشان تتحمر

5- حسب الرغبة يمكن تصفية الشوربة من التوابل اللى فيها ونضيف الارز البسمتى ونخليه على النار حتى يتم السوا

6- نحمر بصلة صغيرة مقطعة شرايح فى شوية زيت ونضيف لها البهارات المطحونة وصلصة طماطم وزبيب يمكن اضافة الصنوبر

ولما تتسبك نحطها فوق الارز فى الحلة ونخليها حوالى 10 دقايق على نار هادية ثم يقدم الارز وفوقه الفراخ ويمكن ان يكون بجانبه اى نوع سلطة حسب الرغبة

بسم الله الرحمن الرحيم

المكونات

2 كوب دقيق – 2 بيضة كبيرة او 3 صغيرين – 1 م ك زيت

زيتون – رشة ملح – بنجر بوريه

الطريقة

نعجن كويس وحتكون عجينة متماسكة ونخليها ترتاح شوية وبعدين نفردها بالماكينة

يمكن استخدام النشابة مع الفرد بالدقيق بس بتحتاج مجهود زيادة

تقطع شرايط وبتكون بالشكل ده

تسلق فى ماء مغلى به ملح وزيت ثم توضع فى ماء به ثلج حتى لا تلتصق.

والعجينة دة مش بتاخد وقت فى السلق زى المكرونة العادية يعنى اول ما نحطها بتسقط فى قاع الحلة واول ماتبدأ ترتفع نطلعها

نبدأ بتحضير الصوص نضع زيت زيتون فى حلة ونهرس فص توم ناعم ولما تبدأ تطلع ريحته

نحط البسطرمة المفرومة او المقطعة صغير ونقلب على نار هادية ثم نضع مكعبات فلفل الوان وزيتون شرائح وهذه اضافات من عندى ثم الكريمة اللبانى وجبنة مبشورة وفلفل اسود وطبعا مانحطش ملح كتي لان البسطرمة مملحة وكذلك الزيتون ثم تقدم وتزين بالبصل الاخضر.

المكونات

فرخة حوالى 1000 او 1100 – بصلة مفرومة ناعم – طماطم مبشورة ناعم – زيت زيتون – خل – مستردة – ملح – فلفل اسود – جنزبيل بودر – ثوم بودر – زعتر – وانا بضيف ورشيستر صوص

الطريقة

نغسل الفرخة كويس جداااا ونجهز الخلطة ونقلب كل المكونات مع بعض ونبدأ نحشى الفرخة من جوه وبين الجلد واللحم

ومن بره ونخليها تتبل مده كافية

بعد ماتتبل كويس ندخلها الفرن على حامل الفراخ واذا لم يتوفر نجيب صينية ونوقف فيها زجاجة بيبسى ونحط فيها ماية وندخل الفرخة جواها ونحطها بالفرن وكل فترة ناخد من الخلطة ونحطها على الفرخة حتى تمام السوا

ثانيا الارز

المكونات

ارز مصرى او بسمتى – بصلة صغيرة – ملح – قرفة – مكسرات – زبيب منقوع فى ماء دافىء

الطريقة

نفرم البصلة ونحطها فى الحلة مع مادة دهنية زيت او زبده ونقلب لحد مايكون لونها براون ثم نضيف الارز المغسول ونقلب ونحط القرفة والملح وبهارات لحمة ونقلب كويس جدااااا ثم نضيف الماء الساخن او الشوربة ونهدى النار لحد مايدخل فى السوا نضيف جزء من الزبيب ونقلب ونسيبه لحد مايستوى

نحمر المكسرات فى السمن

عند التقديم نحط الارز وفوقه الفرخة ويقدم

وبالهنا والشفا

ودى الصور