طريقة التحضير

باستعمال فرشاة تدهن شرائح سمك السلمون بالزيت الزيتون ويرش بالملح والفلفل والروزماري ثم تقطع ورق الالمونيم قطع كبيرة وتفرد ثم توضع علي كل ورقة شريحة سلمون وتوضع فوق الشريحة

2 شريحة من الليمون و1 ملعقة كبيرة من عصير الليمون و2ملاعق طعام من الخل و1 ملعقة شاي من نبات الكبر (هذا المكونات توضع علي كل قطعة) ثم تلف بورق الالمونيوم بالحكام

توضع علي صينية وتوضع في الفرن علي حرارة متوسطة او يمكن وضع اللفائف علي شبكةعلي شواية لمدة 10 دقائق ثم ترفع وتقدم

بسم الله الرحمن الرحيم

المكونات

سمك فيليه- سبيط – جمبرى – بصل – ثوم – فلفل اخضر – طماطم – ملح –  فلفل اسود – لبن – دقيق – زبده – زيت – جبن موزريلا – رز مصرى او بسمتى – صلصة طماطم

الطريقة

1- نسوى الرز بالطريقة المعتادة.

2- نتبل السمك الفيليه وونحفره بالدقيق ويقلى فى الزيت.

3- نجهز البشاميل نحط الزبدة والدقيق نقلب لحد مايستوى الدقيق مع الانتباه الا يتغير لون الدقيق نضيف اللبن ويتبل بالملح والفلفل.

4- فى طاسة نضع شوية زيت ونحط البصل المفروم او شرايح رفيعة حسب الرغبه ونقلب لحد مايدبل نحط الثوم المفروم وصلصة الطماطم حوالى معلقة ونحط ملح وفلفل اسود وشطة وكركرم وكمون ورق لورا وحبهان نقلب ونحط مكعبات الطماطم ومكعبات الفلفل الاخضر نخليهم يغلوا شوية ونحط السمك المقلى ونشيلهم من على النار.

5- فى قالب نحط نص الرز وعليه خلطة السمك وجزء من البشاميل ونحط باقى الرز وفوقه البشاميل وجبنه فوق الوش ويدخل الفرن تحت الشواية علشان ياخد وش فقط ثم يقدم.

ان شاء الله الطبق يعجبكم وبجد يستحق التجربة

بسم الله الرحمن الرحيم

المكونات

ارز بسمتى – سبيط – جمبرى مقشر – سمك فيليه – بهارات كبسة – ورق لورا – ليمون مجفف – حبهان – صلصة طماطم – فلفل اخضر مكعبات – مكعبات طماطم – زبدة – زيت – دقيق  - ملح

الطريقة

فى حلة نضع زبده وشوية زيت ونحط مكعبات الطماطم والفلفل الاخضر والبهارات والملح والليمون المجفف والحبهان وورق  الورا ونقلب وممكن وضع قرن فلفل حامى وده اختيارى

نقلب شوية ونحط السبيط والجمبرى ونقلب ولما يدخلوا فى السوا نحط الرز لبسمتى ونقلب ونحط عليه الماية السخنة ونظبط الملح ونغطى لحد مايدخل فى السوا

نتبل السمك الفيليه بالملح والكمون والفلفل الاسود ونحطه فى الدقيق ويقلى  فى الزيت

نعمل فراغات فى الرز ونحط السمك ونغطي لحد ماالرز يكمل سواه ثم يقدم

بسم الله الرحمن الرحيم

المكونات

جمبرى وسط – جزر شرايح – فلفل اخضر شرايح – بصل شرايح – بقدونس  - شبت – كرفس – ريحان اختيارى – ملح – فلفل اسود – شطة – كمون – ورق لورا

الطريقة

نخلط كل المكونات مع بعض ماعدا الجمبرى

نحط جزء من الخليط فى قاع البايركس ونحط الجمبرى ثم نضع باقى الخليط

نحط زيت فوق الوش ونغطى بالفويل ويدخل الفرن

بسم الله الرحمن الرحيم

المكونات

بصل مفروم – ثوم مفروم – طماطم مكعبات – فلفل اخضر مكعبات – 1م ك صلصة طماطم – سمك فيليه – سبيط او كلمارى مقطع مكعبات او بالطول – ملح – فلفل اسود – هوت صوص – كارى  - كركم – كزبرة ناشفة – ارز بسمتى مسلوق

الطريقة

فى طاسة نحط شوية زيت ثم نضع البصل لحد مايذبل نحط الثوم ونقلب ثم السبيط ثم  مكعبات الطماطم والفلفل الاخضر

ونقلب ونحط التوابل والصلصة نزود شوية ماية لما يبدأ السبيط يدخل فى السوا وتتسبك الصلصة نحط السمك ويكون مقلى بره لوحدهونخليه شوية فى الصوص على النار علشان كله يبقى طعم واحد

نبدا نجهز لأخر خطوة

بعد مانكون سلقنا الارز نجيب صينية او طاجن اللى عندك ونبدا نرص طبقات من الارز وخلطة السى فود اللى عملناها

ويكون الارز سخن والسمك سخن علشان لما ندخل الصينية الفرن حنغطيها بالفويل وماتخدش وقت طويل علشان ماتنشفش

بسم الله الرحمن الرحيم

المكونات

جمبرى مقشر – طماطم مقطعة مكعبات – فلفل اخضر مكعبات – بصل مفروم – ثوم مفروم – فلفل اسود – كارى – كزبرة ناشفة – ملح  - كركم – زيت – ارز بسمتى مسلوق او ارز مصرى نسويه بالطريقة العادية بدون مكرونة شعرية

الطريقة

فى طاسة نحط الزيت ثم البصل ثم الثوم ونقلب ثم نضع الجمبرى حتى ينشف  الماية

ثم نضع التوابل ونقلب ثم الطماطم المكعبات والفلفل الاخضر المكعبات وشوية ماية مع الصلصة ونخليه لحد مايتسبك ونطفى النار

فى قالب او اى صينية عندك نحط طبقات من الارز وخليط الجمبرى ونغطى بالفويل وتدخل الفرن او توضع على نار هادية

بس مش كتير علشان ماتنشفش كل حاجة عندك الافضل انها تكون سخنة علشان ماتخدش وقت

سلطة البنجر

نسلق البنجر ونقطعه مكعبات ونحط عليه ملح وفلفل اسود وشطة وعصير ليمون وزيت ونقلب كله مع بعض ونخليه فى التلاجة شوية علشان المكونات كلها تتداخل نحط فلفل مكعبات على الوجه عند التقديم حب الرغبة

بسم الله الرحمن الرحيم

المقادير

مكرونة فرن – بروكلى – سبيط – سمك فيليه – جمبرى – بشاميل – جبنة مبشورة -ثوم مفروم – كرت او بصل اخضر مقطع صغير – ملح – فلفل اسود جنزبيل مطحون – اختيارى شطة او فلفل اخضر حار

الطريقة

الكميات حسب عدد الاسرة

1- نسلق المكرونة بس تكون سواها ( الدنتى )

2- البروكلي يوضع فى ماء مغلى به ملح غلوة واحدة ثم يوضع فى ماء بارد

3- نجهز البشاميل

4- فى طاسة نضع زيت وتوم مفروم ناعم واول ما ريحته تبان نضع بصل اخضر او كرات ونقلب ثم نضع السبيط ويكون مقطع مكعبات ونقلب ثم نضع السمك ونقلب ثم الجمبرى وطبع الحاجات دى مابتخدش وقت فى السوا

5- نتبل بملح وفلفل اسود وجنزبيل وشطة ممكن تزودى لو بتحبى الاكل الحار او ممكن نضع فلفل اخضر حار مع الكرات

6- نضع على الخليط السابق البروكلي والمكرونة وقليل من البشاميل ثم يوضع فى البايركس ونضع باقى البشاميل ونرش جبنة موزريلا

7- تدخل الفرن لحد ماتلون والجبنة تسيح ومانزودش السوا عليها لان كل المكونات مستوية مسبقا

بسم الله الرحمن الرحيم

الطبق ده من اختراعى

المكونات والطريقة

جمبري مقشر – ثوم مهروس – بصل اخضر – صويا صوص – كورن فلور – شطة – ملح – فلفل

فلفل الوان مكعبات – جزر مكعبات – بصل مكعبات

المكرونة

مكرونة اسباجتى – ماء لسلق المكرونة – ملح – زيت – شطة – صويا صوص – كركم – مكعب مرق
كارى

الشرح مع الصور

1- زيت زيتون فى الطاسة ثم التوم المهروس والبصل الاخضر

2-اول ماتطلع ريحة البصل والتوم نحط الجمبرى ونقلب 3 دقايق ثم الصويا صوص

3- ثم نضع الخضار المقطع مكعبات

4- نقلب الخضار ونضع قليل من الملح ونحط شطة ونزود شوية ماية ونربطها بمعلقة صغيرة كورن فلاور بس لازم تكون سايلة شوية وليست سميكة يعنى وسط

5- نحط ماية لسلق المكرونة مع المكونات اللى فوق ولما تغلى نحط المكرونة لحد ماتستوى وبيكون لونها شبه لون النودلز

6- بعد ما تستوى نصفيها ونضعها سريعا دون شطف على صوص الجمبرى

7- تقلب سريعا وتوضع على النار دقايق وتقدم

الشكل النهائى للطبق

بسم الله الرحمن الرحيم

حنزلكم طريقتى فى عمل السى فووووود ان شاء الله تجربوها وتعجبكم بجد كل طبق طعم مختلف

السمك البلطى

1- ينظف السمك جيدا من برة وجوه

2- يتبل بالملح والكمون

3- افرمى بصلة ومعاها 3 فصوص توم وملح وفلفل اسود وكمون واحشى بطن السمك وااعملى فتحات فى السمكة زى اللى فى الصورة

4- حطيه فى الدقيق ونفضبه كويس واقليه فى الزيت الساخن .

الجندوفلى

1- اغسلى الجندوفلى وحطيه فى حلة .

2- قطعى عليه شبت وبقدونس وبصل مكعبات صغيرة وملح وفلفل وشطة وكمون وقلبيه على النار لحد ما يتفتح ويستوى.

السبيط

1. اغسلى السبيط كويس وقطعية مكعبات كبيرة شوية.

2-قطعى 2 بصلة كبيرة شرايح رفيعة وحطيهم مع شوية زيت لحد ما تصفر.

3- نحط كمون وملح وفلفل اخضر وشطة وشويه كزبرة ناشفة وحوالى نص راس ثوم ونفرمهم .

4- نحطهم على البصل ونحمرهم شوية وبعد كده نحط كرفس مقطع صغير وطماطم معصورة .

5- خليهم يتسبكو وبعدين ضيفى السبيط لحد مايستوى.

الجمبرى بالتفاح الاخضر

صورة كماااااااااااااااااااااان

1. جمبرى بقشره نضفيه وشيلى الراس.

2- حمرى 2 بصلة مفرومة وعليها 2 طماطم مفرومة وملح وفلفل وكارى .

3- قلبى ثم ضيفى الجمبرى و1 تفاحة خضرة مكعبات وحوالى 2 معلقة كبيرة دقيق .

4- قلبيهم لمده دقيقتين وضيفى عليهم ماية ويترك ربع ساعة .

5- ينشل الجمبرى ويقشر ويوضع القشر على المرق ويغلى لمده 10 دقايق.

6- نصفى مع الضغط على المحتويات حتى نحصل على سائل مركز.

7- يعاد الجمبرى الى المرقة ويترك يغلى 5 دقايق ويقدم .

أنا مقشرتش الجمبرى بصراحة انا بحب القشر وهو عليه الصوص

وكده نكون خلصنا وبالهنا والشفا

بسم الله الرحمن الرحيم

طاجن الجمبرى

الطريقة

1ونص كيلو جمبرى مقشر – 3 ثوم مهروس – 2 طماطم مكعبات – 1 كوب ماشروم – زيت زيتون – جبن موزريلا او مبشورة – فلفل اخضر مكعبات – فلفل اسود وملح وزعتر – وانا اضفت من عندى بصل اخضر مقطع صغير نسخن الزيت ونحط الثوم ونقلبه شوية ونحط الفلفل والبصل ونقلب وبعدين الماشروم ونسيبهم شوية لحد ما يبقى لونه ذهبى ونضيف مكعبات الطماطم والجمبرى والملح والفلفل والزعتر يرفع من على النار ونحطه فى برام ونضيف الجبنه على الوجه وندخله الفرن.