عزومة عشاء صغيرة

14/10/2009 by MaCaRoNa



بسم الله ماشاء الله
الله عليكي ابتسامات في فتكاتالله عليكي ابتسامات في فتكاتالله عليكي ابتسامات في فتكاتالله عليكي ابتسامات في فتكات



صور عزومة عشا بالصوررررررررررررر من مطبخ مكرونة في منتدى فتكات

والسلطة اللي فى الكاسات دى سلطة جمبرى
ومكونتها جمبرى مقشر ومسلوق فى ماية بها بصل وجزر وورق لورا وحبهان والسلق مش كتير علشان مايشدش
نبشر جزر ونقطع خس كابوتشى شرايح رفيعة بقدونس بصل اخضر
نحط مايونيز مع مستردة وعصير ليمون ونقلب يمكن اضافة ملح وفلفل اسود ويمكن ايضا اضافة هوت صوص
نبدأ نرص كل المكونات طبقات وتقدم


صور عزومة عشا بالصوررررررررررررر من مطبخ مكرونة في منتدى فتكات

الرز بالخلطة انا بحمر بصلة صغيرة جداا لحد ماتكون براون ونحط الرز وعليه قرفة وبهارات لحمة ونقلب كويس لحد مايسخن ونحط الشوربة ولما يستوى نزين بالمكسرات

صور عزومة عشا بالصوررررررررررررر من مطبخ مكرونة في منتدى فتكات

اسبرينج رول نحط بصلة شرايح فى زيت مع جزرة مبشورة وكوسة مبشورة وكرنب ابيض ونقلب ونتبل بملح وفلفل وجنزبيل وصويا صوص ولما الماية تنشف وتبرد نحشى ونلف ويقلى فى الزيت


صور عزومة عشا بالصوررررررررررررر من مطبخ مكرونة في منتدى فتكات

الشيش طاووق نتبل الفراخ قبلها بيوم فى زبادى وخل وملح وفلفل وبابريكا وزيت وبهارات وبشر بصل ناعم جدا وتانى يوم نحط فى العيدان الخشب مع الخضار ونحطه فى طاسة سخنه بها شوية زيت ونكمل سوا فى الفرن



صور عزومة عشا بالصوررررررررررررر من مطبخ مكرونة في منتدى فتكات

البيتزا 3ك دقيق – ام ك خميرة فورية – 1م ك بيكنج بودر – 3 م ك سكر – 3 م ك لبن بودرة – ربع ك زيت – 1ك ماء دافى ملحوظة حسب العجن – ملح

نحط الاول 2 ونص دقيق ولبن البودرة والسكر والبيكنج بودر والخميرة والملح 1م ص ونخلط وبعدين نحط الزيت والماية الدافية حسب العجين ونشوف اذا احتاجت باقى الدقيق ولا لاء ونغطيها لحد ما تخمر وبعد ما نشكلها ونحط الحشو نخليها ترتاح 10 دقايق وتدخل فرن حامى من 10 الى 15 دقيقة

الطريقة دى اخدتها من منال العالم ان شاء الله تعجبكم


صور عزومة عشا بالصوررررررررررررر من مطبخ مكرونة في منتدى فتكات

السلطة دى عبارة عن حمص الشام مسلوق فاصوليا بيضا مسلوقة علبة ذرة صفرا حلوة

نتبلها عصير ليمون ملح فلفل معلقة خل وزيت زيتون ويفضل التتبيل قبلها بفترة علشان الطعم وقبل التقديم نحط شبت وبقدونس

انا كمان كنت حاطة بصل اخضر مقطع صغير





صور عزومة عشا بالصوررررررررررررر من مطبخ مكرونة في منتدى فتكات

الحلو
العصير كان تانج مع لبن بودرة وماية وسكر فى الخلاط ويقدم

الكيك
3 بيض كبير +1 كوب سكر واللى يحب يزود السكر يمكن اضافة ربع كوب + فانيليا ونخلط بالمضرب حتى يكون الخليط كريمى
نضيف 1/2 كوب زيت + 3 م ك كاكاو خام غامق ونخلط ثم نضع 1 كوب لبن
ثم ننخل 1ونص كوب دقيق مع بيكنج بودر ونضعهم على الخليط السابق
ويوضع فى صينية مبطنة وتدخل فرن مشغل مسبقا على درجة حرارة 180 لمده 35 دقيقة وتختبر بخلة
تزين بصوص شيكولاته والخطوط البيضا دى كريم شانتيه

الكور اللى فى الورق دى عبارة عن بسكويت سادة مكسر وعليه صوص شيكولاته ويمكن وضع مكسرات مجروشة ونخلط كله مع بعض وتكور ثم توضع فى جوز هند مبشور

او مكسرات مجروشة

صور عزومة عشا بالصوررررررررررررر من مطبخ مكرونة في منتدى فتكات

This entry was posted on Wednesday, October 14th, 2009 at 12:09 AM and is filed under أطباق رئيسية, أطباق رئيسية: أرز ومكرونة, أطباق رئيسية: فراخ, حلويات, سلاطات ومخللات, مشروبات وعصائر, معجنات. You can follow any responses to this entry through the RSS 2.0 feed. You can leave a response, or trackback from your own site.

يوجد 5 تعليقات على “عزومة عشاء صغيرة” - يمكن إضافة تعليق

  1. rana selim
    June 25th, 2010 at 1:08 AM

    haaaan 3likyyyy ya shimooooo t3mely el 3asha da w msh te3zeminy :D

    ------------------------------------------------------------------
  2. MaCaRoNa
    June 25th, 2010 at 3:21 PM

    معلش يارونى تتعوض ان شاء الله متزعليش

    ------------------------------------------------------------------
  3. dodo
    November 8th, 2010 at 1:25 AM

    اه سلطه الجمبرى بالمايونيز كل شويه اريد اريد ومفيش حاجه بتحصل

    ------------------------------------------------------------------
  4. MaCaRoNa
    November 8th, 2010 at 2:36 PM

    ان شاء الله يادودو ماتقلقيش
    بيصطادوا الجمبرى
    هههههههه

    ------------------------------------------------------------------
  5. منال عز
    September 7th, 2011 at 9:56 AM

    لما دى صغيرة؟؟؟
    الكبيرة شكلها ايه؟؟؟؟؟؟؟؟؟؟
    احبطتينى

    ------------------------------------------------------------------

إضـــافة تعـــليق