شاورما اللحم
بسم الله الرحمن الرحيم
المكونات حتكون مع الطريقة مع الشرح ان شاء الله
1- لحمة شرايح والمرة دة انا مقطعتش اللحمة سبت كل شريحة كاملة
2- نحط فى الخلاط ملح – فلفل اسود – بهارات شاورما – بصل – خل – طماطم ونخلط كل المكونات ونتبل بيها اللحمة ويفضل قبلها بيوم
3- نطلع اللحمة من التتبيلة ونحطها فى طاسة فيها شوية زيت لحد ماتتحمر وتستوى
4- بعد كده نقطعها شرايح بالطول
5- نكون مجهزين بصل شرايح فلفل اخضر شرايح وطماطم شرايح ثم نضعهم فى نفس الطاسة اللى حمرنا فيها اللحمة ونقلب شوية ثم نضع اللحمة وبكدا تكون الشاورما جهزت
6- انا استخدمت عيش جاهز بس ان شاء الله حنزل طريقة عيش الشاورما ودهنت العيش سلطة طحينة وحطيت الشاورما ونلف العيش رول ويقدم مع
سلطة – بطاطس محمرة
يمكن الاستغناء عن العيش ونقدم الشاورما مع مكرونة – ارز
ملحوظة
نفس الطريقة يمكن عملها بعد تقطيع اللحمة شرايح ونستغنى عن خطوة اللحمة بالشرايح العريضة
ثانيا سلطة الزبادى
زبادى نحط عليه سنة ملح شوية نعناع ونبشر خيارة ونقلب انا بحب احط سنه خل ثم يقدم ونرش على الوجه نعناع
admin
Contact us
September 6th, 2010 at 5:31 PM
تسلم ايديكي يا مكرونة , كل أكلاتك جامده ما شاء الله
------------------------------------------------------------------September 6th, 2010 at 8:22 PM
ربنا يخليكى حبيبتى شكرااا لذوقك
------------------------------------------------------------------December 17th, 2010 at 9:20 PM
ايه الحلاوه دى ايه الى بيحصل ده ايه الى انا شايفه ده ايه الطعامه دى تسلم ايدك يا شيمو من ماما
------------------------------------------------------------------December 17th, 2010 at 10:11 PM
ماشى ياحكيم
------------------------------------------------------------------قصدى ياماما شكر
اتفضلى
بالهنا والشفا