رول اللحمة المفرومة بالخضروات
بسم الله الرحمن الرحيم
المقادير والطريقة
ربع كيلو لحمة مفرومة – زيتون شرايح – بصلة مفرومة ناعم – جزرة مبشورة – فلفل الوان مكعبات – ملح – فلفل اسود وشطة – بيضة - بصل بودر- ثوم بودر- بهارات لحمة – بقسماط – مشروم – فص توم مبشور او 2
هذه المقادير التى اضفتها كل واحدة حسب ذوقها واختيارها فى التوابل او فى مكونات الخضار لان هذه الطريقة من اختراعى
الطريقة نضع كل المكونات مع بعض ونخلط جيدا
ثم ندهن الورق البلاستيك بزيت ويكون البلاستيك فوق ورق الفويل ونلف رول ونقفل من الجوانب
نحضر صينية ونحط شوية زيت ولما يسخن نضع رول الفويل ونقلب كل شوية على الجوانب لمده 10 دقائق
ثم نضع ماء فى الصينية وتدخل الفرن حتى تمام السوا
نفك الفويل والبلاستيك وتترك لتبرد حتى يتم تقطيعها وتقدم وبالهنا والشفا
ودى صور الطبق والخطوات ان شاء الله تكون واضحة
admin
Contact us
April 12th, 2010 at 5:02 PM
انا اخوتك مش حينفع كده كل الاكل شكله مغرى عاوزه من كل الاصناف قولى مفجوعه مش مهم امتى بقى حتقوليلى
------------------------------------------------------------------June 19th, 2010 at 12:13 AM
تسلم ايديكى ويعطيكى الف صحة وعافية بجد هايل
انتى لازم تعملى مشروع مطعم
ربنا يخليكى حبيبتى نورتينى وكلك ذوق ياقمر
------------------------------------------------------------------August 9th, 2010 at 1:01 AM
تسلم ايديكي حبيبتي بس هوه الورق البلاستيك ده ورق بلاستيك عادي و لا مخصوص للفرن و ده مش ممكن يسيح !
------------------------------------------------------------------August 10th, 2010 at 8:28 PM
تسلمى حبيبتى
ده البلاستيك زى اللى بيلفو بيه الجبنات فى السوبر ماركت
وموجود جنب ورق الفويل فى اى سوبر ماركت
------------------------------------------------------------------ده عادى انا بغطى بيه الاكل فى التلاجة او بلف الاكل فى الفريزر او فى الفرن
وممكن تلفى بيه اى حاجة وتسلقي فى ماية مغلية على النار