ديك رومي حمام محشي ومقبلات وحلويات
بسم الله الرحمن الرحيم
ان شاء الله السفرة تعجبكم
ودى كانت عزومة عند اخت جوزى وانا عملت معاها حاجات كتيرة حتعرفوها لما اشرح الاطباق ان شاء الله
الاطباق الرئيسية
اولا الديك الرومى
تبلت الديك الرومى بعصير البرتقال والملح والفلفل والزعتر وده من برد ومن جوه تبلنا بنفس التتبيلة وحطينا قشر البرتقال وقطع من التفاح الاخضر وقطع البصل
يفضل التتبيلة قبلها بيوم وتانى يوم ندهن الديك زبده ويدخل الفرن يحمر من جميع الجهات ثم نحط من تحته بصل جزر كرفس كرات ونغطى بالفويل وندخله الفرن تانى لحد نايستوى كل فترة ممكن ندهن قطعة زبده صغيرة
ثانيا الحمام المحشى
نغسل الفريك وننقعه شوية وبعدين نصفيه
وفى حلة نحط بصلة وشوية زبدة لحد ماتصفر نحط الفريك وملح وفلفل الاسود ونحط ماية لحد مايدخل الفريك فى السوا نحط كبد والقوانص بيكونوا مسلوقين ونحط زبيب ونخليه يبرد ثم نحشى الحمام ونسلقه فى ماية فيها ورق لورا وحبهان وبصل وجزر وكرفس
ولما يستوى نطلعها من الشوربة ونحمرها والطبق ده عملته اخت جوزى
ثالثا صينية المكرونة بالبشاميل
نسلق المكرونة ونجهز العصاج وانا بحط فى العصاج ماشروم
ونجهز البشاميل ونخلط اللحمة مع المكرونة ونحط شوية بشاميل وجبنة موزريلا ونحطه فى الصينية ونحط باقى البشاميل فوق المكرونة ونحط الجبنة فوق الوش ويدخل الفرن
يمكن اللى بيحب اللحمة عليها صلصة وتكون مكرونة بالبشاميل حمرا يضيف الصلصة مع اللحمة
ودى طريقتى فى المكرونة بالبشاميل لكن الطبق ده اخت جوزى اللى عملته
رابعا اللحمة الباردة
نتبل عرق اللحمة بالبصل المفروم وملح وفلفل اسود وبهارات لحمة ونعمل شقوق فى اللحمة نحط فيها فصوص ثوم وممكن جزر وممكن فلفل اسود حب
بعد كده نجيب صينية ونحط فيها زيت او زبدة ولما تسخن نطلع العرق من الخلطة ونحمره كويس على النار لحد مايكون لونه بنى وبعد كده نغطيه وندخله الفرن لحد مايستوى ويترك ليبرد علشان نعرف نقطعه
خامسا صينية البطاطس بشرايح اللحمة بالبشاميل
نسلق البطاطس ونهرسها
ونحط عليها ملح وفلفل اسود ونحط جبن موزريلا وزبدة ويمكن نحط ثوم بودر وبقدونس مفروم وحوالى ربع كوب لبن حسب كمية البطاطس اللى عملتيها
نقطع اللحمة شرايح بالطول ونحطها فى طاسة فيها شوية زيت ونقلبها لحد ماتتحمر وتدخل فى السوا
نحطها فى طبق جانبى ونحط فى نفس الطاسة بصل شرايح وتوم مفروم ونقلب ونحط ونحط فلفل اخضر ونقلب ونحط اللحمة تانى ونتبل بالملح والفلفل والبهارات
نجهز البشاميل ونبدأ نحضر الصينية
نحط فى الصينية رشه بقسماط ونحط اللحمة ونكور البطاطس ونرصها على اللحمة ونصب فوقها البشاميل ونرش الجبنة وندخلها الفرن
المقبلات
اولا كفته البطاطس البانيه
نسلق البطاطس ونهرسها ونحط عليها ملح وفلفل اسود وبقدونس مفروم ونشكلها اقراص ونحطها فى الدقيق والبيض والبقسماط تدخل الفريزر شوية وتقلى فى زيت سخن
ثانيا السمبوسك
شرايح جاهزة من السمبوسك نحشيها خليط من الجبنات عليهم زعتر وبقدونس وتقلى فى زيت ساخن
ثالثا شيش الخضروات المشوية
فى الاسياخ الخشب نحط مكعبات من البطاطس الكوسة الجزر الفلفل الالوان ونتبلها ملح وفلفل اسود وزعتر وزيت زيتون ونشويهم
الشوربة
شوربة الحمام بعد ماحمرنا مكرونة لسان العصفور وحطناها على الشوربة وقدمناها
الحلويات
اولا فاكهة طازجة
ثانيا موس الفراولة وطريقته هنا فى السايت
وبالهنا والشفا
واى اسئلة او استفسار ان شاء الله اقدر اجوب عليه
admin
Contact us
August 28th, 2010 at 5:01 AM
تسلم ايدك يا حبيبتى ان جربتهم كلهم وم بعد يوم وكلهم روعة والتقييم 100 100
------------------------------------------------------------------August 28th, 2010 at 5:04 AM
جميييييييييييييييييييييل كل الاكل فظييييييييييييييع انا مبسوطة انى عرفت حاجات جديدة والفضل يرجعلك ي حبيبة قلبة ارجو الرد
------------------------------------------------------------------August 28th, 2010 at 4:53 PM
انا اللى مبسوطة منك وحاسة انك شاطرة جداااااااا فى المطبخ
ربنا يجازينا خير على كل اللى بيتقدم
شكراااااااااااااااااااااا
------------------------------------------------------------------August 28th, 2010 at 4:55 PM
تسلميلى انت ياقمر
احلى حاجة عندى ان حد يجرب الاكل والحمد لله يطلع حلو ويعجبه
بالهنا والشفا لكل اللى بتعمليه
------------------------------------------------------------------September 6th, 2010 at 12:39 AM
تسلم ايديكى وعنيكى اكلات روعة
------------------------------------------------------------------كل سنة وانت طيبة
September 6th, 2010 at 8:23 PM
وانت طيبة يا حبيبه قلبى وحشاااااانى جدااااااااااااااااا
تسلميلى ويسلملى كلامك الجميل
------------------------------------------------------------------October 29th, 2010 at 3:13 AM
ما شاء الله تبارك الله
------------------------------------------------------------------تسلم الايادي الحلوة مكرونتنا
الف هنا وعافية على قلوبكم
مميزة كعادتك
اختك لؤلؤة2005
October 29th, 2010 at 3:16 AM
ما شاء الله تبارك الله
------------------------------------------------------------------تسلم ايدك يا قمر
سفره عامره
October 29th, 2010 at 6:08 PM
تسلمى حبيبتى
انا مبسوطة كتيررررررر انك شرفتينى فى السايت
------------------------------------------------------------------October 29th, 2010 at 6:12 PM
يعافيكى ياحبيبة قلبى
جزاكى الله خيراااااااا
------------------------------------------------------------------October 30th, 2010 at 9:01 AM
عزومة حلوة جدا , مش كنتي تعزميني
------------------------------------------------------------------October 30th, 2010 at 12:29 PM
عنيا عشانك ياروزا
انت تنورينى حبيبتى
------------------------------------------------------------------November 28th, 2010 at 5:42 PM
تسلمى والله ياست الكل الواحد كل ميجوع يدخل يشوف الاكل الحلوده
------------------------------------------------------------------November 28th, 2010 at 11:25 PM
تسلم ياشيف محمد
------------------------------------------------------------------كلك ذوق وده من بعض ماعندكم
February 16th, 2011 at 9:59 PM
تسلمى يا حبيبة قلبي على لوليمة الحلوة دى انشاء الله هعملها فى رمضان دى تبقى تحفة
------------------------------------------------------------------