بفتيك ومكرونة وخضار
السلام عليكم ورحمة الله
الطريقة
يقطع الباذنجان ويقشر ويوضع فى طبق فيه شوية زيت واضع فيه الباذنجان ونكون مسخنين الشواية اللى على البوتجاز نضع الباذنجان ونتركه حتى يتغير لونه او يظهر فيه علامة الشوى
نقطع الفلفل الملون مكعبات كبيرة شوية ونضعه فى الطبق اللى فيه زيت ثم نضعه على الشواية.
فى الوقت ده نحضر الصوص مستردة ملعقة او 2 حسب كمية الخضار اللى عندك ونحط علية شطة يعنى الفلفل الاحمر الحار ونعصر ليمون وملعقة خل كبيرة وقليل من الملح ونخلطهم جيدا.
نضع الخضار بعد الشوى فى طبق التقديم ونضع فوقه الصوص.
مكرونة اسباجتى انا كسرتها قطع صغيرة وعليها صوص الطماطم بالزعتر والفلفل الاخضر
الطريقة
2- نقطع فلفل اخضر مكعبات صغيرة ونضيفها على الزبد والنار تكون وسط .
3- حسب الرغبة ممكن اضافة 1 طماطم صغيرة مكعبات.
4- نضع الفلفل الاسود والملح والزعتر اللى انا بستخدمه هو زعتر جاف مطحون بنفرك قليل منه فى راحة اليد علشان تخرج منه الريحة ونضعه على باقى المكونات.
5- نضيف الصلصلة وقليل من الماء ونتركها حتى تاخذ القوام اللى تفضليه.
6- اخيرا تضيفى المكرونة او تخليها بيضا والصلصة فوقها حسب الرغبة.
البفتيك وانا بتبل البقسماط بالببريكا والسماق مع الملح والفلفل
الطريقة
انا بجيب شرائح اللحم وتكون رفيعة او ممكن تدقيها وانا بدل ما اتبلها واحطها فى دقيق وبيض وبقسماط وطبعا ده اختيارى
انا بحط البيض والدقيق والبهارات والخل واخلطهم مع بعض وتكون سايلة شوية واحط شرايح اللحم واتركهم فى التلاجة من بليل وبعدين اجيب البقسماط واتبله بقليل من الملح والفلفل والسماق والببريكا ثم اخرج قطعة من اللحم واضعها فى البقسماط حتى ننتهى من الكمية وتوضع فى الثلاجة نصف ساعة او الفريزر ربع ساعة ويقلى فى زيت حار ثم نخفض النار حتى يتم السوا.
واخر صورة الاطباااااااااااااق كلها
admin
Contact us
February 19th, 2010 at 11:00 PM
ايه الجمال ده والله ممتاز زوق فوق زوق تسل الايادى جعله الله فى ميزان حساناتك
------------------------------------------------------------------February 24th, 2010 at 9:16 PM
تسلميلى حبيبتى ويسلملى مرورك اللى بيسعدنى على طول
------------------------------------------------------------------