الجندوفلي وطاجن السبيط والجمبري بالتفاح وسمك محشي بالبصل

08/08/2008 by MaCaRoNa


بسم الله الرحمن الرحيم

حنزلكم طريقتى فى عمل السى فووووود ان شاء الله تجربوها وتعجبكم بجد كل طبق طعم مختلف

السمك البلطى

1- ينظف السمك جيدا من برة وجوه

2- يتبل بالملح والكمون

3- افرمى بصلة ومعاها 3 فصوص توم وملح وفلفل اسود وكمون واحشى بطن السمك وااعملى فتحات فى السمكة زى اللى فى الصورة

4- حطيه فى الدقيق ونفضبه كويس واقليه فى الزيت الساخن .

الجندوفلى

1- اغسلى الجندوفلى وحطيه فى حلة .

2- قطعى عليه شبت وبقدونس وبصل مكعبات صغيرة وملح وفلفل وشطة وكمون وقلبيه على النار لحد ما يتفتح ويستوى.


السبيط

1. اغسلى السبيط كويس وقطعية مكعبات كبيرة شوية.

2-قطعى 2 بصلة كبيرة شرايح رفيعة وحطيهم مع شوية زيت لحد ما تصفر.

3- نحط كمون وملح وفلفل اخضر وشطة وشويه كزبرة ناشفة وحوالى نص راس ثوم ونفرمهم .

4- نحطهم على البصل ونحمرهم شوية وبعد كده نحط كرفس مقطع صغير وطماطم معصورة .

5- خليهم يتسبكو وبعدين ضيفى السبيط لحد مايستوى.


الجمبرى بالتفاح الاخضر

صورة كماااااااااااااااااااااان

1. جمبرى بقشره نضفيه وشيلى الراس.

2- حمرى 2 بصلة مفرومة وعليها 2 طماطم مفرومة وملح وفلفل وكارى .

3- قلبى ثم ضيفى الجمبرى و1 تفاحة خضرة مكعبات وحوالى 2 معلقة كبيرة دقيق .

4- قلبيهم لمده دقيقتين وضيفى عليهم ماية ويترك ربع ساعة .

5- ينشل الجمبرى ويقشر ويوضع القشر على المرق ويغلى لمده 10 دقايق.

6- نصفى مع الضغط على المحتويات حتى نحصل على سائل مركز.

7- يعاد الجمبرى الى المرقة ويترك يغلى 5 دقايق ويقدم .


ملحوظة

أنا مقشرتش الجمبرى بصراحة انا بحب القشر وهو عليه الصوص

وكده نكون خلصنا وبالهنا والشفا

This entry was posted on Friday, August 8th, 2008 at 6:40 PM and is filed under أطباق رئيسية, أطباق رئيسية: أسماك. You can follow any responses to this entry through the RSS 2.0 feed. You can leave a response, or trackback from your own site.

يوجد 3 تعليقات على “الجندوفلي وطاجن السبيط والجمبري بالتفاح وسمك محشي بالبصل” - يمكن إضافة تعليق

  1. ام جهاد
    February 19th, 2010 at 10:47 PM

    فكره جميله انا بعمل السبيط بس لكن دى حاجه تانيه بصراحه طبق غنى جدا يعنى مش محتاج حاجه جنبه تانى تسلم ايديكى يا احلى مكرونه…

    ------------------------------------------------------------------
  2. MaCaRoNa
    February 24th, 2010 at 9:17 PM

    ان شاء الله تجربيه ويعجبك
    نورتينى ياقمر

    ------------------------------------------------------------------
  3. فراولة
    February 3rd, 2011 at 1:21 PM

    اسكندرية وجدعنة بنات اسكندرية وشطارة بنات اسكندرية
    تسلم ايديكى ياشوشو بجد فكرة حلوة اوى

    ------------------------------------------------------------------

إضـــافة تعـــليق